Isa 4 | NdeIBE | STEP | Ngalolosuku abesifazana abayisikhombisa bazabamba indodanye bathi, “Sizakudla ukudla kwethu sigqoke izigqoko zethu; sivumele kuphela nje ukuba sibizwe ngebizo lakho. Susa ihlazo lethu.”

Isaiah 4

1 Ngalolosuku abesifazana abayisikhombisa bazabamba indodanye bathi, “Sizakudla ukudla kwethu sigqoke izigqoko zethu; sivumele kuphela nje ukuba sibizwe ngebizo lakho. Susa ihlazo lethu.”

UGatsha lukaJehova

2 Ngalolosuku uGatsha lukaJehova luzakuba luhle lube yinkazimulo, lezithelo zelizwe zizakuba ligugu lenkazimulo kwabasindayo ko-Israyeli.

3 Labo abatshiywe eZiyoni, abasele eJerusalema, kuzathiwa bangcwele, labo bonke abalotshiweyo phakathi kwabaphilayo eJerusalema.

4 UJehova uzagezisa ingcekeza yabesifazana baseZiyoni, uzahlambulula amachatha egazi eJerusalema ngomoya wokwahlulela langomoya womlilo. 5 Lapho-ke ngaphezu kwayo yonke iNtaba iZiyoni langaphezulu kwabo bonke abahlangana khona uJehova uzakwenza iyezi lentuthu emini, lokukhanya kwamalangabi omlilo ebusuku. Ngaphezu kwenkazimulo yonke kuzakuba lesivikelo esinjengophahla. 6 Sizakuba yisisitho lomthunzi wokuvika ukutshisa kwemini, isiphephelo lendawo yokucatshela isiphepho lezulu.